Clik here to view.
Vanuatu Prime Minister, Charlot Salwai Tabimasmas ibin sendem mesej blong sori igo long Gavman mo pipol blong Fiji from damej mo loss blong laef we tropical; cyclone Winston I livim bihaen taemn I pas tru long Fiji.
Long mesej blong hem long wan leta igo long praem minister blong Fiji, Honorable Josiah Voreqe Bainimara, PM Salwai Tabimasmas I talem se Gavman m,o pipol blong Vanuatu oli sori bigwan taem oli harem ol ripot blong damej mo los blong laef long Fiji taem cyclone I pas long Satedei 20 Februeri naet igo tru long Sandei moning long 21 Februeri.
Mesej ya I talem se Gavman mo pipol blong Vanuatu oli joinem hem long harem nogud ya from ol pija is some bigfala damaje tumas long ol haos mo naoia ripot blong hae namba blong ol ded.
“Fiji istap olsem wan clos fren mo brata blong Vanuatu impoten patna mo hemi wan impioten patna tu long ol divelopmen”, prae minista blong Vanuatu I talem.
“Ikat bigfala hevi long hart blong ol fam,ili we I lusum ol inosen memba blong olgeta semak wetem olgeta we maet oli lusum haos, garen blong kakai mo ol nara propeti blong olgeta. Mifala I talem bigfala sori blong mifala”, hemi mesej blong praem minister Tabimasmas long wan leta we I sendem igo long praem minister blong Fiji.
Praem minister I tokbaot tu bigfala wok we istap naoia long han blong ol pipol blong Fiji rebildim laef blong olgeta mo hemi trust se wetem gud spirit blong ol pipol blong Fiji blong pull tugeta long taem olsem, hemi sua se bae oli save mekem wan difrens bakegen long laef blong olgeta.
