Long pasin blong Melanesia, ol kastom chief i save wokim bikpela wok long lukautim graun, ol kastom, kalsa na i save stretim ol pait na koros long komiuniti blong ol.
Papua New Guinea na Solomon Islands i nogat ofisal luksave long ol kastom chief.
Tasol long Vanuatu, gavman i luksave long wok blong ol chief na i makim naba 5 long March long ogeta yia, olsem Custom Chief's Day na em i wanpela pablik holide.
March naba 5 em i long aste Sunday, so tede nau em i pablik holide long Vanuatu.
Moa longen, Vanuatu gavman i kamapim tu wanpela National Council of Chiefs we ol i kolim 'Malvatu Mauri' we i save givim tingting long gavman long sait long kastom na kalsa.
Public Relations Ofisa long Office blong Praim Minista, Hilaire Bule i tok wok politik em i samting we i save brukbrukim kantri, tasol ol chief nau i save kamapim unity.
Photo ABC