Clik here to view.
President blong Vanuatu bipo i mekim bikpela askim igo long ol papa graon long noken salim graon na mekim ol pipal long future i pua.
Ati George Sokomanu, husat ibin nambawan President long taem blong indipendans long 1980, i mekim despla askim bihaenim ol wari em ol pipal iwok long autim olsem planti graon long kantri nau igo pinis long han blong ol forana.
Sampla ripot ikam long Port Vila itok olsem, taem ol papa graon i salim graon igo long ol foranas, ol despla foranas isave stopim ol papa graon long go swim, oa painim fish long ol ples em oli bin ownim bifo.
Vanuatu, wankaen olsem ol narapla kantri long Melanesia isave lukim graon olsem blut blong ol, tasol nau planti pipal isave salim graon na oli no save wari long ol tumbuna blong ol.
Ol ripot ikam long Vanuatu itok olsem, planti taem ol pipal isave salim graon blong kisim moni kuik na ino save tingting long future blong ol pipal.
Photo by ABC
