Clik here to view.
Office blong Praem Minista hemi askem ol Director General blong ol ministry mo ol darekta blong ol dipatmen blong gat respect long hae ofis ia.
Ofis blong Praem Minista, hemi mekem call ia afta we ino kat wan long olgeta i turn up long miting blong ICT long tede morning long Melanesian Hotel. Aut long ol Darekta Jenerol ikat wan nomo, hemi bin stap long moning ia mo long saed blong ol darekta blong ol dipatmen, ino kat wan igo long ples blong miting.
Miting, hemi sapos blong stat long 9h00 be ol ogenaesa, oli mas dileiem go kasem oli postponem from we ol DG mo darekta ino turn up.
Prime Minister Charlot Salwai nao, hemi should chairem miting ia mo hemi yet, hemi bin invitem ol wokman blong gavman blong go long ICT miting ia blong tokbaut developmen we ICT i mekem finis mo ol nara important developmen we istap yet blong mekem.
Ol organaesa blong ICT miting ia, oli talem se hemi luk nogud blong wan Praem Minista i wet long ol wokman blong gavman. Oli talem se olgeta nao, oli sapos blong wet long praem minista.
Ol organaesa i talem se oli bin rimaenem ol participants blong ICT miting long las wik mo bagegen long morning ia be wan DG nomo, hemi turn up.
Prime Minista Salwai i talem se hemi disappointed from we hemi rispektem ol DG mo ol darekta mo invaetem olgeta be wan DG nomo, hemi respektem investesen.
